Policia australiane ka sekuestruar 2.7 tonë kokainë, kapja më e madhe e këtij lloji e regjistruar ndonjëherë në vend. Droga, me një vlerë të vlerësuar prej rreth 816 milionë dollarësh australianë në tregun e zi, u gjet e fshehur në një sistem bunkerësh nëntokësorë poshtë tre kontejnerëve transporti në periferinë perëndimore të Sidneit.
Dy persona, 21 dhe 25 vjeç, u arrestuan në vendincident pasi dyshohet se tentuan t’i largoheshin policisë. Ata akuzohen për posedim të një droge të importuar në mënyrë të paligjshme dhe, nëse shpallen fajtorë, rrezikojnë burgim të përjetshëm.
bazuar në hetimeve, kokaina ishte futur në Australi përmes zonës së Midge Point në Queenslandin Verior, me urdhër të një grupi të organizuar kriminal. Operacioni policor u nis pasi në muajin maj u gjetën 40 kilogramë kokainë që lundronin në det pranë një zone ankorimi për varka.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Autoritetet kanë arrestuar edhe gjashtë persona të tjerë në shtetet Queensland dhe Uellsi i Ri Jugor, ndërsa një anije e dyshuar si pjesë e rrjetit të trafikimit është ndaluar në Ishujt Solomon.
Policia federale australiane deklaroi se rasti tregon nivelin e lartë të organizimit të rrjeteve kriminale ndërkombëtare dhe vendosmërinë e tyre për të përfituar nga tregu fitimprurës i drogës në Australi, ku çmimi i kokainës është ndër më të lartët në botë. Hetimet për origjinën e drogës dhe personat e përfshirë në këtë operacion vazhdojnë.
Prishtina Post – lajme të shpejta dhe të sakta.
