Ish-konkurrentja e njohur e spektaklit të dashurisë, Antonela Berisha, po përjeton një moment të vështirë personal. Ajo ka ndarë me publikun lajmin e trishtë të ndarjes nga jeta të dajës së saj, duke lënë pas shumë dhimbje dhe kujtime.
Përmes një postimi emocionues në rrjetin social Instagram, Antonela ka shprehur pikëllimin e saj të thellë. Ajo publikoi një fotografi të të ndjerit, shoqëruar me dedikimin prekës: “E paç dheun e lehtë, Daja Mond. Njeriu ma i mirë si i takoi me vujt kështu, nuk më besohet akoma. Na ke lan një boshllëk të madh. Qofsh me Zotin e pushofsh në Parajsë, zemër”.
Fjalët e Antonelës reflektojnë humbjen e madhe dhe dashurinë e saj për dajën, i cili përshkruhet si një njeri i veçantë. Komuniteti online ka reaguar me ngushëllime dhe mbështetje për Antonelën dhe familjen e saj në këtë periudhë të vështirë.
