Menjëherë pas përfundimit të procesit të votimit, lideri i Lëvizjes Vetëvendosje, Albin Kurti, ka bërë thirrje publike për ruajtjen e integritetit të zgjedhjeve. Ai theksoi se vullneti i qytetarëve, i shprehur përmes votës, duhet të mbrohet pa kompromis.
Kurti u shpreh se “Vullneti i qytetarëve i shprehur në zgjedhjet e sotme është brenda kutive të votimit. Mbrojtja e tij është kusht i pandashëm i legjitimitetit dhe kredibilitetit të procesit zgjedhor.”
Ai gjithashtu u drejtua komisionerëve dhe vëzhguesve, duke theksuar përgjegjësinë e tyre të lartë institucionale. “Në këto momente, sytë, veshët dhe vëmendja jonë janë te ju komisionerë dhe vëzhgues. Mbi juve peshon një përgjegjësi e lartë institucionale dhe fisnike. Ju falemnderit për angazhimin dhe punë të mbarë në numërimin e çdo vote”, thuhet në njoftimin e Kurtit.
