Nevojitet një përforcim në prapavijë dhe në orët e fundit Milani është në kërkim të marrëveshjes me Strahinja Pavloviçin, mbrojtësin serb të Salcburgut që ra në sy për vlerat e tij edhe në kampionatin e fundit europian.
Kuqezinjtë janë duke kërkuar të arrijnë një marrëveshje me lojtarin përpara se të fillojnë bisedimet me klubin e tij, ndaj kanë takuar edhe menaxherin e tij. Gjatë këtyre ditëve është folur shumë për interesimin e Milanit për serbin e lindur në vitin 2001, por ai nuk është i vetmi emër në listën e kuqezinjve përsa i përket qendrës së mbrojtjes.
Në fakt, sipas raportimeve nga “footmercato.net”, pasi e ndoqi tashmë në dimër, Milani po mendon edhe për Jean-Clair Todibo, i cili ka një kontratë me Nice deri në vitin 2027.
“Djalli”, megjithatë, nuk është skuadra e vetme që ndjek ish-lojtarin e Barcelonës, duke qenë se edhe Juventusi ka shprehur interesim. Megjithatë, kjo është një sfidë për Milanin, i cili përpara se të jetë në gjendje të paguajë për Todibon, planifikon të shesë njërin mes Tomorit ose Çaut. transmeton Prishtina Post