Përmes një postimi në Facebook, Kurti ka bërë të ditur se në këtë takim është diskutuar për marrëdhëniet ndërmjet dy vendeve, çështjet e sigurisë dhe mundësitë për zgjerimin e bashkëpunimit, transmeton lajmi.net.
“Biseduam për marrëdhëniet dypalëshe, për sigurinë dhe për mundësitë e zgjerimit të bashkëpunimit”, ka shkruar Kurti.
Kreu i Qeverisë ka shprehur mirënjohje për mbështetjen e vazhdueshme që Kanadaja i ka dhënë Kosovës ndër vite, duke përmendur edhe periudhën e luftës së vitit 1999.
“E falënderova për miqësinë dhe përkrahjen e Kanadasë për vendin tonë, për pranimin e mijëra refugjatëve nga Kosova gjatë vitit 1999, për pjesëmarrjen në intervenimin e NATO-s, për kontributin në rindërtim dhe zhvillim, për njohjen e pavarësisë dhe për mbështetjen në anëtarësimin në organizata ndërkombëtare”, ka deklaruar Kurti.
Ai ka përmendur gjithashtu edhe bashkëpunimin në sektorin e minierave, duke rikujtuar pjesëmarrjen e një delegacioni qeveritar të Kosovës në Konventën e Shoqatës së Kërkuesve dhe Zhvilluesve të Kanadasë (PDAC), e mbajtur në mars në Toronto.
Sipas Kurtit, kjo konventë është një prej ngjarjeve më të mëdha botërore për sektorin e minierave.
Në fund, kryeministri ka vlerësuar rëndësinë e Kanadasë si partnere strategjike për Kosovën, veçanërisht në fushën e sigurisë dhe mbrojtjes.
“Kanadaja, shtet anëtar i NATO-s dhe i G7, është mike dhe partnere e rëndësishme për sigurinë, mbrojtjen dhe promovimin e vlerave të përbashkëta”, ka shkruar Kurti.
Arlinda e pranon publikisht: Kam pëlqim për Norën
Shqipëria triumfon ndaj Finlandës, Muçi dhe Manaj i…
Osmanit i ‘çelet’ goja, kritikon ashpër Qeverinë, për…
Katër përfaqësi ndërkombëtare kundër ndryshimeve në Ligjin për…
