Pas vendimit të Gjykatës Speciale, kryetari i Partisë Demokratike të Kosovës, Bedri Hamza, shpreh shqetësim për ndikimin që ka ky vendim në historinë dhe të ardhmen e vendit.
Hamza, pas një mbledhjeje të partisë, theksoi nevojën për të diskutuar me të gjithë liderët e subjekteve politike, duke e cilësuar këtë çështje si një problem që e prek të gjithë, jo vetëm një parti.
Ai shprehu mendimin se Gjykata Speciale ka devijuar nga qëllimi për të cilin ishte krijuar, duke theksuar se është e nevojshme të krijohet një konsensus politik për të adresuar këtë situatë.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Besoj se bashkëpunimi me subjektet e tjera politike është thelbësor për të arritur një zgjidhje. Ne si PDK do të ndërmarrim veprime konkrete, përfshirë ato ligjore dhe demokratike”, deklaroi Hamza.
Kur u pyet për mundësinë e një nisme ligjore lidhur me Gjykatën Speciale, ai u shpreh se kjo është një mundësi e hapur, duke theksuar rëndësinë e bisedimeve me partitë politike për të adresuar seriozitetin e situatës.
“Nëse do të ketë një iniciativë ligjore në Kuvendin e Kosovës, do të na nevojitet mbështetje nga subjektet e tjera politike”, tha ai, duke nënvizuar rëndësinë e komunikimit mes liderëve.
Hamza theksoi se PDK-ja ka përgatitur nënshkrimet e 22 deputetëve të saj dhe se do të veprojnë në përputhje me nevojat e situatës.
Kreu i PDK-së e përfundoi duke theksuar se partia e tij nuk do të ikë nga përgjegjësitë për të hetuar të gjitha gjetjet e raportit të Dick Martyt, duke përfshirë çështjet që lidhen me trafikimin e organeve dhe të tjera, duke u angazhuar për transparencë dhe drejtësi.
Vendimi i Gjykatës Speciale ka sjellë dënime të rënda për figura të njohura, si Hashim Thaçi dhe Jakup Krasniqi, të cilët u dënuan me nga 25 vjet burgim, ndërsa Kadri Veseli dhe Rexhep Selimi morën dënime më të ulëta për krime lufte.
