Arjan Konomi, ish-opinionist i njohur, ka bërë një reagim të fortë në lidhje me situatën e tij me Top Channel, duke zbuluar detaje të reja pas përplasjes me Linda Ramën. Ai ka publikuar një audio të telefonatës me zëvendës-CEO-në e televizionit, Steliana Selmani, e cila hedh dritë mbi tensionet e krijuara.
Konomi fillimisht sqaroi se deklaratat e tij të mëparshme nuk ishin drejtuar Sara Hoxhës, duke theksuar se nuk kishte dijeni për ndonjë qëndrim të saj lidhur me situatën. Ai shprehu se nuk dëshiron t’i atribuojë përgjegjësi asaj për një vendim që, sipas tij, nuk e di nëse ajo ka qenë e përfshirë.
Reagimi i tij përqendrohet kryesisht te Steliana Selmani. Sipas Konomit, ajo e kishte telefonuar pas incidentit të tij me Linda Ramën dhe pas deklaratave publike që pasuan ngjarjen në Vuno, duke e kritikuar për sjelljen e tij.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Ke bullizuar një femër. Nuk i flitet ashtu një femre”, pretendon Konomi se iu tha gjatë telefonatës.
Gazetari theksoi se biseda kishte vazhduar me qëndrimet e tij publike, ku iu komunikua se si imazh i Top Channel, ai nuk mund të shprehte bindje politike apo të merrte pjesë në protesta, duke e ndjerë këtë si një kufizim të lirisë së tij.
“Je imazhi i Top Channel-it dhe nuk mund ti të shprehësh bindje dhe gjëra politike. Nuk mund të marrësh pjesë në protesta”, citoi Konomi nga biseda.
Konomi e kundërshtoi këtë qëndrim, duke argumentuar se angazhimi i tij ishte në një program dashurie dhe jo në një format politik. Ai shprehu se ky vendim e kishte lënë në një situatë të vështirë profesionale, duke e bërë të ndjehet i papunë në fund të sezonit.
“Po ta dija kështu që në mes të beharit, do kisha bërë plane të tjera… tani në fund të sezonit, ku çdo gjë është mbyllur, mbetem i papunë”, tregoi ai.
Gjatë diskutimit, Konomi përmendi një frazë që shkaktoi tensione të tjera: “Po, se ti nuk e mbyll buçën.” Kjo frazë e shtyu atë të publikonte një fragment audio, ku ai shprehte pakënaqësinë për mënyrën e komunikimit të Selmanit.
Në audion e publikuar, dëgjohet një zë që e vendos vendimin në kontekstin e situatës së krijuar dhe shprehjen “mbyll buçën” jepet një interpretim tjetër, duke e paraqitur atë si një shprehje miqësore dhe humoristike.
“Fjalën ‘mbyll buçën’ nuk e thashë fare në kontekstin që do ta marrësh ti. Ta kam thënë në kontekstin konfidencial, miqësor dhe humoristik”, dëgjohet në audion e publikuar nga Konomi.
“Nëse do që ta bësh këtë marrëdhënie armiqësore, bëje, Arjan”, vijon më tej zëri në regjistrim.
Pas publikimit të audios, Konomi vazhdoi të kritikojë drejtuesen, duke kundërshtuar mënyrën se si ishte trajtuar dhe duke pretenduar se përgjegjësia për situatën nuk duhej t’u atribuoheshin Lori apo Sara Hoxhës.
