Presidenti i Shteteve të Bashkuara, Donald Trump, është larguar me urgjencë nga skena pasi janë dëgjuar të shtëna armësh gjatë Darkës së Korrespondentëve të Shtëpisë së Bardhë në Washington DC.
Sipas burimeve zyrtare, presidenti, zëvendëspresidenti JD Vance dhe anëtarët e kabinetit janë të gjithë të sigurt dhe jashtë rrezikut.
Në një reagim në rrjetet sociale, Trump konfirmoi se sulmuesi është arrestuar, duke lavdëruar forcat e rendit për reagimin e shpejtë dhe të guximshëm.Ai bëri të ditur gjithashtu se është rikthyer në Shtëpinë e Bardhë me kërkesë të autoriteteve dhe se pritet të mbajë një konferencë për media në orët në vijim.
Ndërkohë, darka tradicionale pritet të shtyhet dhe të organizohet brenda 30 ditëve të ardhshme.
Gazetari i njohur i CNN, Wolf Blitzer, ka qenë pranë vendit të ngjarjes dhe ka raportuar se ka parë një person të armatosur duke hapur zjarr vetëm disa metra larg sallës kryesore, përpara se të evakuohej nga policia.Autoritetet amerikane kanë nisur hetimet për të zbardhur rrethanat dhe motivet e këtij incidenti të rëndë që tronditi një nga eventet më të rëndësishme mediatike në SHBA.
