Kosova përballet me rrezikun e humbjes së rreth 60 milionë eurove nga Plani i Rritjes i Bashkimit Evropian, nëse nuk arrin të zbatojë reformat e kërkuara deri më 30 qershor. Politika e bllokuar dhe mungesa e institucioneve plotësisht funksionale kanë penguar miratimin e legjislacionit të nevojshëm.
Ekspertët ekonomikë paralajmërojnë se humbja e këtyre fondeve do të ishte një goditje e konsiderueshme për ekonominë e vendit. Sipas raporteve, Kosova nuk ka arritur të finalizojë 13 hapat e parë reformues brenda afatit të caktuar. Përfaqësuesit qeveritarë kanë fajësuar mungesën e institucioneve funksionale për këto vonesa, duke theksuar se ngërçi politik ka ngadalësuar dhe bllokuar procesin e miratimit të ligjeve kyçe.
Fokusi i 11 hapave reformues të parë, të cilët duhen zbatuar deri në fund të këtij muaji, përfshinë sundimin e ligjit, qeverisjen e mirë, zhvillimin ekonomik, si dhe tranzicionin drejt një ekonomie të gjelbër dhe digjitale. Për më tepër, nëse reformat e tjera të 27 pikave nuk realizohen deri në dhjetor të këtij viti, Kosova rrezikon të humbasë edhe mbi 165 milionë euro shtesë nga fondet e BE-së.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Në total, Bashkimi Evropian ka parashikuar mbi 880 milionë euro, në formë grantesh dhe kredish, për Kosovën deri në fund të vitit 2027, por realizimi i tyre varet nga përmbushja e kushteve dhe reformave të vendosura.
