Autoritetet e Kosovës kanë bërë të ditur zbulimin e një varri masiv të dytë me mbetje mortore në Zubin-Potok, duke shtuar dyshimet për krime të rënda të kryera gjatë luftës së fundit.
Ministri në detyrë i Punëve të Brendshme, Xhelal Sveçla, konfirmoi se në fshatin Jabukë të kësaj komune janë gjetur eshtrat e viktimave të luftës, vetëm 10 kilometra larg vendit ku më parë ishte zbuluar një varr masiv në Kalludër. Kërkimet në vendin e parë të zbulimit, në Kalludër, po vazhdojnë intensivisht.
Sveçla falënderoi organet e rendit dhe institucionet relevante, përfshirë Policinë e Kosovës, njësitë për krime lufte, AKI-në, Institutin e Mjekësisë Ligjore dhe Prokurorinë, për punën e tyre në zbardhjen e këtyre lokacioneve.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Në vijim, ministri Sveçla drejtoi akuza të forta kundër Serbisë, duke e krahasuar qasjen e saj aktuale me atë të regjimit të Millosheviqit. Sipas tij, Serbia, përmes figurave si Vuçiq e Daçiq, vazhdon të refuzojë të ofrojë informacion për personat e zhdukur dhe të kidnapuar gjatë luftës, duke kërcënuar dhe burgosur qytetarët e saj që bashkëpunojnë në gjetjen e varrezave masive.
“Serbia vazhdon të mbetet e njëjtë si në kohën e Millosheviqit, jo vetëm përmes figurave si Aleksandar Vuçiqi dhe Ivica Daçiqi”, theksoi Sveçla.
Ai bëri thirrje për dënim dhe ndëshkim të ashpër të Serbisë nga partnerët ndërkombëtarë, duke paralajmëruar se pa veprime konkrete, drejtësia do të jetë e pamundur dhe Serbia do të vazhdojë të minojë paqen në Ballkan.
Sveçla u zotua se institucionet e Kosovës do të vazhdojnë përkushtimin e tyre për të zbardhur fatin e të gjithë personave të vrarë dhe të zhdukur nga shteti serb gjatë luftës, si dhe për të sjellë para drejtësisë të gjithë përgjegjësit për krimet e kryera.
