Gjykata Themelore në Prishtinë ka shpallur fajtor ministrin në detyrë të Punëve të Brendshme, Xhelal Sveçla, për veprën penale “Përdorimi i armës apo mjetit të rrezikshëm” lidhur me hedhjen e gazit lotsjellës në Kuvendin e Kosovës më 21 mars 2018.
Aktakuza për veprën “Pengimi i personit zyrtar në kryerjen e detyrave zyrtare” është refuzuar për shkak të parashkrimit. Kryetari i trupit gjykues, Sabit Sadikaj, sqaroi se Sveçla u shpall fajtor për aktivizimin dhe hedhjen e bombolës së gazit lotsjellës në sallën e Kuvendit, duke pamundësuar vazhdimin e seancës dhe duke detyruar deputetët të evakuojnë ambientin.
Vendimi për dënimin e Sveçlës, pas shqyrtimit të rrethanave lehtësuese dhe rënduese, do të merret më 8 shtator në orën 09:00. Ministri Sveçla nuk ishte i pranishëm në seancë, por u përfaqësua nga avokati i tij, Laur Prenaj.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Në këtë rast, akuzohen edhe Fitore Pacolli-Dalipi, Salih Zyba dhe Drita Millaku, ndërsa procedura për Sveçlën ishte veçuar nga ajo e të pandehurve të tjerë. Prokuroria, për shkak të parashkrimit, hoqi dorë nga ndjekja penale për veprën e pengimit të personit zyrtar.
