Negociatat për rinovimin e kontratës së Vinicius Junior me Real Madridin kanë hyrë në një fazë kritike. Një takim i zhvilluar ditën e djeshme mes përfaqësuesve të lojtarit brazilian dhe drejtuesve të klubit madrilen, përfshirë Jose Angel Sanchez dhe Juni Calafat, nuk arriti të prodhojë një marrëveshje përfundimtare.
Real Madrid ka paraqitur një ofertë të re, duke i ofruar Vinicius një pagë vjetore prej 24 milionë eurosh. Megjithatë, kërkesa e brazilianit është më e lartë, duke synuar 30 milionë euro për sezon. Përveç pagës, çështje të tjera thelbësore që mbeten të pazgjidhura janë bonusi i rinovimit dhe menaxhimi i të drejtave të imazhit.
Ndërsa klubi madrilen propozon një ndarje 50/50 të të drejtave të imazhit, Vinicius Junior kërkon një përqindje më të lartë, duke shtuar kompleksitetin e bisedimeve. Sipas raportimeve nga mediumi ‘AS’, Real Madrid i ka kërkuar lojtarit një përgjigje të shpejtë, duke e vendosur atë përballë një ultimatumi.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Situata ka tërhequr vëmendjen e Arsenalit, i cili po monitoron me kujdes zhvillimet. ‘Topçinjët’ janë të gatshëm të ndërhyjnë me një ofertë të favorshme në rast se Vinicius Junior vendos të largohet nga Santiago Bernabeu. E ardhmja e yllit brazilian duket se është në një pikë kthese, me çdo lëvizje që mund të ketë pasoja të mëdha për të dy klubet.
Me tensionet në rritje dhe kërkesat diametralisht të kundërta, tifozët e Real Madridit dhe Arsenali presin me padurim zgjidhjen e kësaj situate delikate, ku një vendim i shpejtë është i nevojshëm për të evituar pasigurinë.
