Pas ndërprerjes së garës dhe largimit nga “Ferma VIP”, Indri ka qenë i ftuar në “Ferma Club”, ku ka ndarë përshtypjet e tij për ish-kolegët dhe ka zbuluar emrin e personit që dëshiron të shpallet fitues i këtij edicioni.
I pyetur drejtpërdrejt se kush meriton ta çojë trofeun në shtëpi, ai ka veçuar pa hezituar shkrimtaren Mimoza Ahmeti, duke vlerësuar qëndrimin dhe natyrën e saj përgjatë javëve të bashkëjetesës.
Për Mozën, Indri u shpreh:
“Moza është personi më pozitiv, më autentik që mund të ekzistojë aty brenda.
Ajo siç e tha dhe mbrëmë, bën performanca, por brenda atyre performancave ka një autenticitet të saj që është diçka shumë interesante. Moza është shpirt.”
Largimi i Indrit erdhi pas një nominimi kokë më kokë me Klevisën, moment ky që e shtyhu atë të merrte vendimin për të lënë përfundimisht shtëpinë, duke u kthyer tashmë në një vëzhgues të thjeshtë të lojës nga jashtë.
