Një stuhi ligjore po mblidhet kundër platformës së njohur sociale TikTok, pasi qindra familje franceze kanë ngritur padi kolektive pranë Zyrës së Prokurorit të Parisit. Akuzat kryesore sillen rreth dyshimeve për “abuzim me dobësinë”, duke shfrytëzuar cenueshmërinë e të miturve.
Avokatja Laure Boutron-Marmion, e cila përfaqëson familjet e dëmtuara, ka deklaruar se platforma ka krijuar “burgje mendore” për adoleshentët, duke kontribuar në raste tragjike si vetëvrasje dhe çrregullime të rënda të shëndetit mendor. Ajo e përshkroi funksionimin e TikTok-ut si një “makinë të projektuar, të zhvilluar për të shfrytëzuar këtë cenueshmëri”, duke e krahasuar efektin e tij me një “krizë dixhitale”.
Padia, e cila synon drejtuesit e TikTok-ut si në Francë ashtu edhe në nivel ndërkombëtar, argumenton se platforma është plotësisht e vetëdijshme për mënyrën se si funksionon algoritmi i saj i rekomandimeve. Sipas avokates, ky sistem i personalizuar dhe dinamik gjeneron varësi të fortë dhe shfrytëzon në mënyrë cinike dobësinë e adoleshentëve. “Ata i dinë shumë mirë efektet e platformës, por nuk bëjnë asgjë”, theksoi Boutron-Marmion.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Familjet e përfshira në këtë proces kërkojnë që TikTok të përballet me drejtësinë penale franceze për abuzim me dobësinë, duke shtuar pretendimet e tyre pranë procedurave civile tashmë në vijim. Kjo iniciativë tregon se ata “nuk duan të ndalen vetëm në një ankesë të thjeshtë”. Disa nga familjet kanë përjetuar humbjen e fëmijëve nga vetëvrasja, ndërsa të tjerat raportojnë raste alarmante të anoreksisë, depresionit dhe mendimeve vetëvrasëse.
Përtej këtij rasti specifik, padia kërkon gjithashtu një rregullim më të rreptë të mediave sociale, duke përfshirë mundësinë e ndalimit të përdorimit të platformave si TikTok për përdoruesit nën moshën 15-vjeç, një propozim që aktualisht po diskutohet në Francë.
