Situata gjeopolitike u tensionua dukshëm pas sulmeve të fundit të Iranit ndaj bazave amerikane në Jordani. Presidenti amerikan Donald Trump, në një deklaratë të bërë më 31 gusht gjatë një bisede me gazetarin Trey Yingst të Fox News, ka paralajmëruar një përgjigje të fuqishme. “Do t’i godasim fort. Do të ketë një përgjigje”, theksoi Trump, duke lënë të kuptohet se administrata e tij është e gatshme për përshkallëzim.
Incidenti vjen pas një operacioni amerikan më 30 gusht pranë ishullit Larak të Iranit, ku dy mjete lëshuese të cilat dyshohet se përgatiteshin të lëshonin raketa dhe mina detare drejt Ngushticës së Hormuzit u goditën. Si kundërpërgjigje, Irani lëshoi raketa balistike drejt dy bazave të SHBA-së në Jordani. Megjithatë, sipas raportimeve zyrtare, raketat u neutralizuan pa shkaktuar viktima apo dëme të konsiderueshme.
Ky sulm ka ngritur shqetësime lidhur me strategjinë e administratës Trump, e cila më parë ishte fokusuar më shumë në sanksione ekonomike sesa në veprime ushtarake. Ambasadori amerikan në NATO, Matthew Whitaker, ka konfirmuar se Uashingtoni mund të aplikojë një strategji të dyfishtë, duke kombinuar presionin ekonomik me mundësinë e një reagimi ushtarak. “Presidenti i mban të gjitha opsionet në dispozicion dhe nuk do të qëndrojë duarkryq nëse iranianët sulmojnë Shtetet e Bashkuara apo aleatët tanë”, tha Whitaker.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ndërkohë, SHBA ka vendosur sanksione të reja ekonomike ndaj Iranit dhe ka paralajmëruar masa ndaj çdo vendi apo kompanie që vazhdon transaksionet financiare me Teheranin, në kuadër të iniciativës së quajtur “Operation Economic Outcast”. Presidenti Trump ka ashpërsuar retorikën, duke e cilësuar Iranin si “shtet të dështuar” dhe duke sugjeruar se vendi ka humbur kapacitetet ushtarake.
