Këngëtarja Soni Malaj ka arritur një fitore të rëndësishme në sfidën e fundit, duke u bërë finalistja e tretë e Ferma Vip.
Pas zgjedhjes së Mozës dhe Bujakës nga publiku, Soni ka dalë fituese e sfidës, duke e siguruar vendin e saj në finale.
Ky përballje ishte një test i vështirë për fermerët, të cilët duhej të lidhin litarët me një dordolec dhe ta lagnin me benzinë për ta ndezur. Dordoleci që do të digjej i pari do të përcaktonte fituesin e sfidës.
Në këtë garë, Soni dhe Iliri ishin në një përballje të drejtpërdrejtë, por Soni arriti të triumfojë, duke e çuar atë në finale.
Ndërkohë, fermerët e tjerë janë në pritje të vendimit të publikut. Ata do të shkojnë në një televotim për të shpëtuar një nga ta.
Publiku do të ketë mundësinë të votojë për fermerin që dëshiron të mbetet, mes Ilirit, Sarës, Romirit dhe Visit.
Fermeri që do të marrë më pak vota do të largohet nga Ferma Vip, vetëm katër ditë para finales së madhe, duke e bërë situatën edhe më dramatike.
Me tensionin në rritje dhe emocionet në maksimum, të gjithë presin me padurim se kush do të jetë i fundit që do të largohet dhe si do të përfundojë aventura e tyre në Ferma Vip.
