Ministri i Brendshëm i Shqipërisë, Befort Lamallari, ka zbuluar detajet kryesore pas vendimit për ta shpallur Ikballe Hudutin ‘non grata’ në vend. Sipas Lamallarit, ky vendim është rezultat i grumbullimit dhe analizimit të informacioneve të mbledhura prej kohësh për Hudutin.
Lamallari shpjegoi për Euronews se veprimet janë bazuar në informacione të akumuluara dhe përpunuara në kohë, të cilat përfshijnë të dhëna nga agjencitë ligjzbatuese, policia, antiterrori dhe shërbimet inteligjente, në bashkëpunim edhe me partnerë ndërkombëtarë. “Ne mbledhim informacion për shtetas të ndryshëm të cilët po bëjnë kërcënim për sigurinë, sigurinë publike apo atë kombëtare, dhe për interesin publik”, tha ai.
Ai shtoi se Ministria e Brendshme ka mundësinë të ndërmarrë veprime parandaluese, duke kërkuar miratimin e Gjykatës së Posaçme Kundër Korrupsionit dhe Krimit të Organizuar (GJKKO) kur ka dyshime për financim të terrorizmit, nxitje të dhunës apo urrejtjes. “Kjo është puna jonë funksionale”, theksoi Lamallari.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ministri nënvizoi se çështja e Hudutit ka qenë në vëmendje prej kohësh. Ai gjithashtu sqaroi se, ndërsa respektohet e drejta e protestës dhe shqetësimet e qytetarëve, pjesëmarrja në protesta nuk ofron imunitet për persona që kanë një agjendë të caktuar, të dokumentuar nga agjencitë ligjzbatuese.
Vendimi për ta shpallur Ikballe Hudutin ‘të padëshiruar’ në Shqipëri është marrë për një periudhë 15-vjeçare.
