Një epokë e dashur televizive po ringjallet! Pas dhjetë vjetësh heshtje, seriali më i pëlqyer shqiptar po përgatitet për një kthim spektakolar, jo si serial, por si një film artistik me metrazh të gjatë.
Thashethemet që qarkullonin prej kohësh në rrjetet sociale morën konfirmim zyrtar pas një interviste të producentit dhe aktorit Shkumbin Istrefi në podcastin “Voice of Gogaj”. Ky moment, i cili u shoqërua nga biseda me Albinën Bricori Sadikajn, u kthye në shkëndijën që ndriçoi rrugën drejt një projekti konkret.
Burime pranë Prive By Liberta Spahiu konfirmojnë se puna për skenarin ka nisur dhe se ngjarjet po marrin formë. Synimi kryesor është rikthimi i protagonistëve origjinalë, duke krijuar një valë të fortë nostalgjie për publikun besnik. Edhe pse disa nga aktorët e njohur nuk janë më pjesë e jetës, disponimi i kastit ekzistues është mjaft pozitiv, duke premtuar një bashkëpunim të suksesshëm.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Plani ambicioz parashikon që filmi të ketë premierën vitin e ardhshëm. Paralelisht me zhvillimin e skenarit, po punohet intensivisht për sigurimin e financimit të nevojshëm, me qëllim garantimin e një standardi të lartë realizimi. Me dashurinë e pashtershme të publikut dhe nostalgjinë që e shoqëron këtë rikthim, suksesi duket më se i garantuar. Tani na mbetet të presim detajet e mëtejshme dhe të shpresojmë që ky rikthim madhështor të realizohet sipas planeve.
