Pas akuzave të fundit të ish-konkurrentit Rogert Sterkaj, i cili pretendoi ekzistencën e një pakti të fshehtë që i siguroi fitoren Selin Bollatit në “Big Brother VIP Albania 5”, vetë finalistja ka reaguar fuqishëm. Gjatë një lidhje telefonike në emisionin “Radar”, ku i pranishëm ishte edhe gazetari Elton Tozaj, Selin Bollati hodhi poshtë kategorikisht këto pretendime.
Ajo theksoi se suksesi i saj në reality show-n më të famshëm në Shqipëri është rezultat i punës së saj dhe mbështetjes së pakushtëzuar të publikut. “Për mua ka mbaruar ‘Big Brother’ shumë kohë më përpara. Të vërtetat dhe transparenca ime kanë qenë 100% me publikun, si gjatë ashtu edhe pas eksperiencës në ‘Big Brother’,” deklaroi Selin.
Duke i cilësuar pretendimet e Sterkajt si të pavërteta dhe aludime, Bollati shtoi: “Këto janë të pavërteta dhe aludime të dala nga vetë personi apo nga njerëz që pretendojnë dhe besojnë të njëjtën gjë. Fitoren e kam marrë me forcat e mia, pa ndihma dhe pa backup nga askush.” Këto komente të Selinit vijnë si kundërpërgjigje e drejtpërdrejtë ndaj deklaratave të Sterkajt për një marrëveshje mes tyre gjatë kohës që ishin banorë në shtëpinë e Big Brother.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Selin Bollati e konsideron këtë kapitull të mbyllur përfundimisht dhe mohon çdo formë marrëveshjeje apo pakti që mund të ketë ndikuar në rezultatin final të garës. Përtej sqarimeve lidhur me fitoren, ajo ndau edhe detaje rreth jetës pas daljes nga formati, marrëdhënien me ish-konkurrentin Gimi, si dhe projekte të reja televizive që pritet të sjellin risi në ekran.
“Publiku është i parapërgatitur për diçka të re në televizion, por ende mbetet një sekret i vogël,” përfundoi ajo, duke lënë të kuptohet se rikthimi i saj në fushën mediatike do të jetë së shpejti.
