Dyshimet për krizën në raportin e çiftit Sara Hoxha dhe Erik Fullani janë shtuar sot pas heqjes së ndjekjes reciproke në platformat sociale. Ky veprim vjen pas disa javësh spekulimesh dhe thashethemeve për probleme në marrëdhënien e tyre.
Edhe pse hera e fundit që Sara dhe Eriku u shfaqën publikisht së bashku ishte në fund të shkurtit, informatë të reja sugjerojnë se dinamika mes tyre ka qenë komplekse. Raportime të shumta kanë theksuar se çifti ka kaluar muaj me ulje-ngritje në lidhjen e tyre, por jo një ndarje përfundimtare. Duket se ata nuk kanë ndërprerë plotësisht kontaktin.
Burime pranë çiftit, të cituara nga Prive By Liberta Spahiu, kanë lënë të kuptohet se një pajtim i mundshëm nuk do të ishte befasi. Madje, dëshmitarë okularë raportojnë se ata janë parë duke drekuar së bashku në Tiranë javën e kaluar, duke shtuar më tej misterin rreth statusit aktual të marrëdhënies së tyre.
