Legjenda braziliane e futbollit, Ronaldo Nazário, ka theksuar rolin vendimtar të Neymar Jr. për suksesin e ekipit kombëtar në Kupën e Botës. Në një intervistë për median franceze “L’Équipe”, ish-sulmuesi, dy herë fitues i trofeut më të madh të futbollit botëror, vlerësoi lartë aftësitë e Neymar, duke e cilësuar atë si lojtarin kyç për ambiciet e Brazilit.
“Nëse kemi Neymar, duhet ta shfrytëzojmë këtë mundësi. Nuk shoh ndonjë lojtar tjetër në skuadër me aftësinë për të fituar ndeshje si ai,” u shpreh Ronaldo, duke nënvizuar rëndësinë e formës së tij aktuale.
Ronaldo gjithashtu bëri një krahasim të veçantë mes Kylian Mbappé dhe vetes së tij në kulmin e karrierës. Ai e përshkroi talentin francez si një nga më të mirët në botë aktualisht, duke theksuar se stili i lojës së Mbappé i kujton momentet më të bukura të karrierës së tij, duke e cilësuar atë si pasardhësin natyral të yjeve të futbollit.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Përtej vlerësimeve për lojtarët, ish-ylli i “Seleção” shprehu besim të plotë edhe te trajneri Carlo Ancelotti. Ronaldo beson se Ancelotti ka aftësinë për të menaxhuar presionin dhe për të nxjerrë më të mirën nga skuadra. “Kam besim të madh te puna e Ancelottit dhe aftësia e tij për ta qetësuar ambientin dhe nxjerrë më të mirën nga lojtarët,” tha ai.
Me Neymar në formë dhe me drejtimin e Ancelottit, Ronaldo mbetet optimist për potencialin e Brazilit për të synuar Kupën e 6-të të Botës, pavarësisht konkurrencës së fortë ndërkombëtare.
