Ambasadorët e shteteve anëtare të Bashkimit Evropian kanë autorizuar hapjen e negociatave me shtetet e Ballkanit Perëndimor për heqjen e roamingut.
Ky vendim do të miratohet edhe formalisht në takimin e ministrave të Brendshëm, që do të mbahet nesër, kur edhe nis procesi i negociatave individuale me secilin shtet të rajonit, i cili duhet të çojë drejt heqjes së plotë të roamingut.
Presidenca qipriote e Bashkimit Evropian e ka përshëndetur këtë vendim, duke nënvizuar se e mbështet fuqimisht rrugën evropiane të Ballkanit Perëndimor.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Zgjerimi i zonës pa roaming është një shenjë e qartë e angazhimit tonë ndaj rajonit. Ne presim me padurim miratimin zyrtar të vendimit që autorizon hapjen e negociatave për këto marrëveshje”, ka thënë një zëdhënës i Presidencës së Qipros në BE.
Vendimi në fjalë i referohet hapjes së negociatave për marrëveshje sektoriale ndërmjet Bashkimit Evropian dhe Shqipërisë, Bosnjë e Hercegovinës, Kosovës, Malit të Zi, Maqedonisë së Veriut dhe Serbisë, përkatësisht për roamingun në rrjetet publike të komunikimeve mobile.
autoritetet evropianë synojnë që procedurat e negociimit dhe arritja e marrëveshjeve të përmbyllen brenda gjashtë muajsh. Kjo marrëveshje, kur të arrihet, nënkupton lidhje të pandërprerë me tarifa vendore për qytetarët nga rajoni që vizitojnë zonën e BE-së, si dhe anasjelltas. Në rastin ideal, roamingu ndërmjet rajonit dhe shteteve të Bashkimit Evropian mund të hiqet që vitin e ardhshëm.
Prishtina Post – lajme të shpejta dhe të sakta.
