Komisioni Qendror i Zgjedhjeve ka nisur procesimin e formularëve të parë të rezultateve preliminare edhe për komunën e Prishtinës.
Sipas përditësimit të sistemit në orën 19:44, në kryeqytet janë procesuar 4 nga 262 vendvotime sa janë gjithsej (apo 1.53%).
Në këto kuti të para të numëruara në Prishtinë (gjithsej 451 votues të procesuar), Lëvizja Vetëvendosje (LVV) udhëheq bindshëm me 48.06% (211 vota).
Ndryshe nga rezultatet në nivel vendi, në kryeqytet vendi i dytë aktualisht mbahet nga Lidhja Demokratike e Kosovës (LDK) me 33.71% (148 vota), ndërsa Partia Demokratike e Kosovës (PDK) renditet e treta me 14.58% (64 vota).
Aleanca për Ardhmërinë e Kosovës (AAK) ka marrë 1.82% (8 vota).
