Zëdhënësi i Qeverisë së Kosovës, Arlind Manxhuka, ka dalë me një reagim zyrtar pas publikimit të një fotografie ku shihet kryeministri në detyrë, Albin Kurti, me Fehim Salin, personin e arrestuar nën dyshimin për spiunazh në favor të Shërbimit Inteligjent të Serbisë (BIA).
Manxhuka ka theksuar se kryeministri Kurti gjatë mandatit të tij ka takuar dhjetëra organizata të pakicave të regjistruara dhe aktive në Kosovë. Ai shtoi se Qeveria nuk ushtron funksionin e kontrollit apo dhënien e amnistisë për askënd, por vuri në dukje se institucionet e sigurisë, veçanërisht Agjencia e Kosovës për Inteligjencë (AKI), janë duke intensifikuar zbulimin e elementëve të dyshimtë të spiunazhit.
“Ne nuk bëjmë detektorin e askujt dhe as s’japim amnesti për askënd. Por, tash si asnjëherë më parë, institucionet e sigurisë, si AKI janë duke zbuluar gjithnjë e më shumë elemente të tilla të dyshimta spiunazhi, për çka i përgëzojmë për punën”, thuhet në deklaratën e Manxhukës.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Fehim Sali u arrestua më 13 gusht në pikën kufitare të Merdarit, pasi dyshohet se për një periudhë të pacaktuar kohore, deri në datën e arrestimit, ka ofruar vazhdimisht informacione dhe ndihmë për BIA-n serbe, me synimin për përfitim material. Prokuroria Speciale po vijon hetimet për këtë rast.
