Kryeministri i Shqipërisë, Edi Rama, po qëndron në Talin të Estonisë, ku po merr pjesë në Konferencën Lennart Meri 2026, një nga forumet më të rëndësishme ndërkombëtare për politikën e jashtme, sigurinë dhe sfidat globale.
Gjatë vizitës, Rama zhvilloi një deklaratë të përbashkët me homologun estonez Kristen Michal, ku u diskutua bashkëpunimi mes dy vendeve, veçanërisht në fushën e digjitalizimit dhe inovacionit.
Kryeministri estonez theksoi mbështetjen për Shqipërinë në rrugën drejt integrimit evropian dhe bashkëpunimin në projekte teknologjike, duke nënvizuar rëndësinë e sigurisë së përbashkët në kontekstin e sfidave globale.
Nga ana e tij, Rama u shpreh se Shqipëria synon të ndjekë modelin estonez të transformimit digjital, duke e quajtur atë një shembull të suksesshëm për modernizimin e shtetit.
“Synojmë të ecim përpara me inovacion dhe inteligjencë artificiale, duke marrë si udhërrëfyes përvojën estoneze,” u shpreh Rama.
Ai shtoi se Shqipëria dhe Estonia ndajnë një vizion të përbashkët për të ardhmen, duke theksuar rëndësinë e teknologjisë, arsimit dhe bashkëpunimit ndërkombëtar në zhvillimin e vendeve.
Prishtina Post – lajme të shpejta dhe të sakta.
