Gjatë takimit, presidentja Shiroka Pula ka vlerësuar marrëdhëniet e shkëlqyera ndërmjet Kosovës dhe Zvicrës, duke e cilësuar këtë shtet si një nga partnerët më të rëndësishëm të Kosovës në rrafshin politik, ekonomik dhe zhvillimor.
Ajo ka shprehur mirënjohje për angazhimin shumëvjeçar të Zvicrës në zhvillimin e Kosovës, mbështetjen në procesin e shtetndërtimit dhe përkrahjen në rrugëtimin evropian të vendit.
Një vëmendje e veçantë gjatë takimit i është kushtuar edhe rolit të mërgatës shqiptare në Zvicër, kontributi i së cilës, sipas presidentes, mbetet i jashtëzakonshëm në forcimin e lidhjeve dhe partneritetit ndërmjet dy vendeve.
Po ashtu, është vlerësuar kontributi i Forcave të Armatosura Zvicerane përmes kontingjentit Swisscoy, i cili është pjesë e misionit paqeruajtës të KFOR-it në kuadër të NATO-s që nga viti 1999, duke dhënë mbështetje të rëndësishme për sigurinë dhe stabilitetin në Kosovë.
Në përfundim, presidentja Shiroka Pula ka theksuar rëndësinë e vazhdimit dhe thellimit të bashkëpunimit ndërmjet Kosovës dhe Zvicrës, duke shprehur bindjen se Zvicra do të vazhdojë të jetë një partnere dhe përkrahëse e rëndësishme e Kosovës.
Kurti për Specialen në Paris: Kur s’je i…
Zbulohet një thikë e kamufluar në xhaketë në…
Kuvendi mban nesër seancë të jashtëzakonshme, do të…
Dushan Janjiq i parashikon jetëgjatësi 40-vjeçare Listës së…
