Detaje të reja dhe shokuese nga momentet e fundit të jetës së ish-anëtarit të grupit të famshëm “One Direction”, Liam Payne, janë bërë publike. Pas sigurimit të rreth 3 mijë fotografive, dokumenteve dhe raporteve nga policia argjentinase, dalin në dritë pamje të kamerave të sigurisë nga hoteli CasaSur Palermo në Buenos Aires.
Fotografitë tregojnë Payne duke lëvizur në ambientet e hotelit, duke komunikuar me stafin dhe duke u shoqëruar me dy gra, të cilat policia i ka identifikuar si punonjëse seksi. Një tjetër pamje e filmuar një natë para vdekjes, tregon këngëtarin duke u lëkundur pranë një shtylle jashtë hotelit.
Liam Payne, 31 vjeç, humbi jetën më 16 tetor 2024, pasi ra nga ballkoni i dhomës së tij në katin e tretë të hotelit. Analizat toksikologjike të kryera pas vdekjes konfirmuan praninë e alkoolit, kokainës dhe një substancë qetësuese në organizmin e tij. Gjithashtu, u zbulua prania e “pink cocaine”, një përzierje e rrezikshme e cila mund të përmbajë ketaminë, MDMA dhe metamfetaminë.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Pas kësaj ngjarjeje tragjike, autoritetet argjentinase ngritën akuza ndaj pesë personave. Ndërkohë që disa prej tyre, përfshirë punonjës të hotelit dhe një mik i Payne-it, Rogelio “Roger” Nores, u liruan më vonë nga akuzat, Braian Paiz dhe Ezequiel Pereyra vijojnë të përballen me akuza për furnizim me drogë të këngëtarit.
Liam Payne u bë i njohur në vitin 2010 si pjesë e “One Direction”, një prej grupeve më të suksesshme të muzikës pop në histori. Ai u varros më 20 nëntor 2024 në Angli, në një ceremoni mortore ku morën pjesë edhe ish-shokët e tij të grupit: Harry Styles, Zayn Malik, Louis Tomlinson dhe Niall Horan.
