Qeveria në detyrë ka marrë një vendim të rëndësishëm për t’u ardhur në ndihmë qytetarëve në prag të festës së Bajramit. Kryeministri njoftoi sot se do të shpërndahen 100 euro shtesë për pensionistët dhe për çdo fëmijë. Kjo pagesë pritet të ekzekutohet në fillim të javës së ardhshme, duke mos kërkuar asnjë aplikim paraprak nga këta përfitues.
Ndërkohë, për studentët aktivë dhe punonjësit e sektorit privat, të cilëve gjithashtu do t’u ndahen 100 euro, do të jetë e nevojshme të bëhet një aplikim zyrtar për të përfituar bonusin.
Kryeministri lidhi këto pagesa me festën e Bajramit, duke theksuar se synimi është që të gjithë qytetarët të ndihen sadopak të barabartë. Ai shtoi se, ndryshe nga opozita, kjo qeveri tregon kujdes dhe angazhim për mirëqenien e tyre.
