Të premten u nda nga jeta në moshën 77-vjeçare aktori i njohur turk Kadir İnanır, një figurë emblematike e epokës së artë të kinematografisë turke, e njohur si Yeşilçam. Pas disa javësh në kujdes intensiv për pneumoni dhe komplikacione të tjera shëndetësore, İnanır lë pas një trashëgimi të pasur artistike.
Për publikun shqiptar, emri i Kadir İnanır lidhet ngushtë me rolin e paharrueshëm të Iljazit në filmin klasik “Shamikuqja” (Selvi Boylum Al Yazmalım). Ky film, një nga më të dashurit e kinematografisë turke, u shfaq në Shqipëri gjatë viteve ’80 dhe mbetet i gdhendur në kujtesën e brezave. Personazhet e Iljazit dhe Asjasë, të luajtur përkrah aktores Türkan Şoray, krijuan një nga çiftet më ikonike dhe romantike të ekranit.
Me një karrierë që shtrihet për më shumë se pesë dekada, İnanır ka luajtur në rreth 200 produksione filmike, duke fituar çmime të shumta dhe duke bashkëpunuar me regjisorë të shquar turq. Ai gjithashtu ka qenë aktiv në televizion si aktor, prezantues dhe regjisor, duke lënë gjurmë të thella në industri.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Vitet e fundit, aktori u përball me sfida të shumta shëndetësore, duke përfshirë ndërhyrje kirurgjikale dhe probleme neurologjike. Paraqitja e tij e fundit në film ishte në vitin 2019. Vdekja e Kadir İnanır shënon humbjen e një legjende të aktores turke, vepra e së cilës do të vazhdojë të frymëzojë dhe emocionojë.
