Një moment i veçantë dhe mjaft i diskutuar ka ndodhur gjatë edicionit të tanishëm të emisionit “Ferma VIP”, ku Mimoza Ahmeti, në një bisedë të sinqertë në oborr, foli pa rezerva për moderatoren Arbana Osmani dhe bashkëshortin e saj, regjisorin Eduart Grishaj.
Ahmeti, e cila është aktualisht kryefjalë për komentet e saj, fillimisht pranoi se kishte pasur paragjykime për Arbanën, por gjatë kohës në fermë, qëndrimi i saj ndryshoi rrënjësisht. “Kam pasur paragjykime, por ka filluar të më pëlqejë shumë. Shumë e mirë,” u shpreh Moza, duke treguar një ndryshim të qartë në perceptimin e saj.
Më pas, biseda u përqendrua te Eduart Grishaj, ku Mimoza nuk kurseu lavdërimet për të. Ajo e përshkroi atë si një ‘ëndërr’, duke theksuar profesionalizmin dhe cilësitë e tij të larta. “Edhe ai burri i vet jo që është… ëndërr! Shumë, shumë profesionist, shumë i mirë,” deklaroi Ahmeti me bindje të plotë, ndërsa diskutonte me fermerët e tjerë.
Këto komente të papritura dhe direkte nga Moza Ahmeti sigurisht që nuk kanë kaluar pa u vënë re nga çifti jashtë ambienteve të fermës.
