Pas ditësh spekulimesh në rrjetet sociale, lidhur me një krizë në çiftin e formuar gjatë spektaklit “Big Brother VIP Albania”, Mateo dhe Brikena kanë vendosur të reagojnë, duke u dhënë fund thënieve.
Fillimisht, Brikena tërhoqi vëmendjen e fansave duke ndryshuar fotografinë e profilit në Instagram. Ajo zgjodhi një imazh romantik me Mateon, të krijuar me anë të Inteligjencës Artificiale. Ky veprim u interpretua menjëherë si një sinjal i qartë se lidhja e tyre nuk ka përfunduar.
Por surpriza nuk u ndal me kaq. Mateo ka bërë gjithashtu një lëvizje që ka ndezur rrjetin. Ai publikoi në InstaStory një screenshot nga një telefonatë me Brikenën, ku shfaqej fotografia e saj në ekran dhe një mbishkrim emocionues: “Më mungon @itsbriki”. Këto veprime të çiftit duket se hedhin poshtë çdo aludim për ndarje, duke konfirmuar se ata vazhdojnë të jenë bashkë.
