Këngëtarja e njohur shqiptare, Marsela Çibukaj, ka njoftuar lajmin e gëzuar se është bërë nënë për herë të parë. Familja e saj u zgjerua me lindjen e djalit të cilin çifti e ka pagëzuar me emrin Dajt.
Çibukaj ndau emocionet e saj përmes një postimi në Instagram, ku publikoi fotografi të veçanta. “E di… s’kemi qenë shumë aktivë në rrjete sociale, por na është mbushur jeta, shpirti dhe zemra plot”, shkroi këngëtarja, duke treguar për ndryshimet që sjell ardhja e fëmijës.
Ajo e përshkroi ardhjen e djalit si “Bekim i Zotit dhe i Dashurisë”, duke shprehur mirënjohjen për këtë moment të veçantë në jetën e saj dhe partnerit, Vitmar. Ky lajm u prit me entuziazëm nga miqtë dhe fansat e këngëtares.
