Këngëtarja ikonë Madonna ka bërë një rrëfim të papritur dhe provokues gjatë një interviste, duke zbuluar se cili nga ish-partnerët e saj të famshëm e ka lënë më të kënaqur në shtrat. Në një video të realizuar për aplikacionin Grindr, teksa promovonte albumin e saj më të ri, Madonna u ul në bisedë me figurat e njohura si Bob the Drag Queen, Ivy Mugler, Jeremy O. Harris, Raul Lopez dhe Marcello Gutierrez. Gjatë diskutimit për historinë e saj romantike, stilisti Raul Lopez nuk hezitoi të bënte pyetjen direkte: “Kush ka qenë më i miri me ty në shtrat?”
Pas një pauze të shkurtër, Madonna vendosi të kufizonte përgjigjen e saj, duke theksuar se do të përmendte vetëm persona që nuk jetojnë më. Më pas, ajo pëshpëriti emrin: John F. Kennedy Jr. Ky zbulim shkaktoi reagime të forta dhe habi mes të pranishmëve, të cilët shprehën mosbesimin e tyre.
Madonna dhe John F. Kennedy Jr. kishin një lidhje të shkurtër në fund të viteve ’80. Një biografi e vitit 2024, bazuar në rrëfimet e një miku të afërt të tij, sugjeron se marrëdhënia e tyre ishte më shumë një aventurë kalimtare sesa një lidhje serioze.
