Moderatorja e njohur shqiptare, Luana Vjollca, ka ndarë sot një moment të veçantë familjar, duke festuar ditëlindjen e motrës së saj, Marinës.
E njohur për aktivitetin e saj të lartë në rrjetet sociale, Luana nuk ka lënë pa shënuar këtë datë të rëndësishme për familjen Vjollca. Përmes një postimi të sinqertë dhe emocionues, ajo i drejtohet Marinës si ‘motra binjake’, duke shprehur lidhjen e saj të thellë.
“Happy Birthday gjysma e shpirtit tim. Nuk di çfarë kisha bërë pa ty në këtë jetë! Je forca ime. Përjetë bashkë!”, ka shkruar Luana në urimin publik, duke emocionuar ndjekësit e saj.
Ky dedikim tregon edhe njëherë lidhjen e fortë mes dy motrave Vjollca, të cilat shpeshherë janë përshkruar si binjake për shkak të ngjashmërisë dhe marrëdhënies së tyre të ngushtë.
