Balerini i njohur Ledian Agalliaj ka zgjedhur Italinë, vendin e njohur për romancë, për të kaluar pushimet e tij. Një postim i fundit në rrjetet sociale ka ringjallur debatet rreth jetës së tij private dhe marrëdhënies me këngëtaren Elhaida Dani.
Në fotografinë e publikuar nga Lediani shihet një vajzë me shpinë nga deti, identiteti i së cilës mbetet mister. Kjo ka shtuar spekulimet mes ndjekësve. Disa dyshojnë se mund të jetë Elhaida, e cila gjithashtu ndodhet jashtë Shqipërisë. Të tjerë mendojnë se bëhet fjalë për një të dashur të re, duke pasur parasysh që dyshja nuk ndiqen më në rrjetet sociale dhe kanë fshirë fotot e përbashkëta.
Asnjëri nga protagonistët nuk ka bërë komente publike, duke preferuar të ndajnë vetëm momente nga udhëtimet e tyre. Kjo mungesë sqarimi ka bërë që publiku të lidhë postimet e tyre dhe të diskutojë për statusin e marrëdhënies.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ndryshe, interesimi për çiftin u rikthye në fillim të vitit kur u raportua për një krizë të rëndë në marrëdhënien e tyre. Fshirja e fotove dhe mosndjekja në Instagram shtuan dyshimet për ndarje, por asnjëherë nuk u konfirmua zyrtarisht.
Postimet aktuale nga Italia, të bëra thuajse në të njëjtën periudhë, kanë nxitur sërish kuriozitetin e ndjekësve. Megjithatë, deri më tani, nuk ka asnjë provë publike që të vërtetojë nëse ata po kalojnë pushime bashkë apo janë rikthyer si çift. Të gjitha këto mbeten ende në kuadër të aludimeve dhe interpretimeve të publikut dhe mediave rozë.
