Bota e artit dhe e humorit në Kosovë ka humbur sot një prej emrave të saj të dashur.
Aktori i njohur, Fadil Gashi, i cili la gjurmë tek publiku dhe mbeti gjatë në memorie përmes roleve të tij në “Ue Ue Show”, ka ndërruar jetë.
Lajmi i hidhur ka nisur të qarkullojë me shpejtësi në rrjetet sociale, duke trishtuar ndjekësit dhe të gjithë ata që u rritën me batutat e tij ndër vite.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Lajmin për kalimin në amshim të aktorit e ka bërë të ditur Naim Osman Hoxha, përmes një postimi tejet prekës në llogarinë e tij në Facebook.
Krahas një fotografie të përbashkët me të ndjerin nga një studio televizive, Hoxha ka ndarë disa fjalë zemre duke zbuluar anën njerëzore të artistit që publiku e njihte kryesisht përmes ekranit.
Ai e ka përshkruar Gashin si një burrë të mirë dhe thellësisht dashamirës, duke e ngritur në piedestal si një shembull të rrallë të komedisë.
Sipas tij, Fadili ishte modeli perfekt se si mund të bëhet humor i pastër dhe i mençur, krejtësisht i zhveshur nga ofendimet, sharjet dhe fjalori banal që shpesh haset sot në industri.
Hoxha theksoi gjithashtu se bëri një përjashtim nga rregulli i tij personal për këtë rast. “Zakonisht nuk postoj foto kur personat ndërrojnë jetë, por Fadili ishte i veçantë, e vështirë që do të përsëritet një njeri si ai”, ka përfunduar dedikimin e tij.
Humbja e Fadil Gashit shënon një ditë të zymtë për skenën tonë, duke lënë pas një trashëgimi të bukur e të pastër të të bërit njerëzit të qeshin me shpirt. /Prive By Liberta Spahiu
