Në Prishtinë, gjatë kontrollit për keqpërdorim të dyshimtë të energjisë elektrike 
, ekipet e KEDS-it hasën në një gjë të pazakontë.
Në bodrumin e një lokali të vogël, kafe-bar, ekipet e kontrollit të KEDS-it kanë zbuluar një laborator drogash 
, ku një rrjet i tërë pajisjesh elektrike – drita me fuqi të lartë, ventilatorë, furra, sisteme ftohjesh e pajisje të tjera – funksiononin përmes përdorimit të energjisë elektrike në të zezën.
Kjo vjedhje industriale e energjisë elektrike, e kalkuluar me një shifër prej mbi 217 mijë kW/h, përveçse abuzim me sistemin elektroenergjetik, rrezikon edhe sigurinë e të gjithëve përreth 
.
Sipas përllogaritjes, pronari i këtij “biznesi”, detyrimisht ia rikthen KEDS-it 32,670.99 euro 
, në kuadër të procesit të Rikthimit të Humbjeve.
Ky konsumator dhe të gjithë ata që kapen duke e keqpërdorur energjinë elektrike, përballen pashmangshëm edhe me një proces gjyqësor në gjykatat kompetente të Republikës së Kosovës, ku mund t’i presë një dënim i majmë me gjobë dhe me burgim deri në tri vjet.
