Mitrovicë, 9 qershor 2025 – Kryeministri i Republikës së Kosovës, Albin Kurti, ka zhvilluar sot një vizitë në të dy pjesët e qytetit të Mitrovicës, ku është takuar me kryetarët e komunave, Erden Atiq në Mitrovicën e Jugut dhe Bedri Hamza në atë të Veriut.
Në fokus të vizitës ishin bashkëpunimi ndërkomunal dhe realizimi i projekteve të përbashkëta, që synojnë rritjen e përfshirjes qytetare dhe përmirësimin e mirëqenies për të gjithë banorët, pa dallim.
“Këto dy komuna janë më pranë njëra-tjetrës se kurrë më parë, duke punuar tashmë për të fuqizuar gjithëpërfshirjen dhe mirëqenien qytetare,” theksoi Kurti në deklaratën e tij.
Sponsorizuar
Rezervo tani →Prishtinë → Stuttgart Prishtinë → München Prishtinë → Göteborgnga 99€75€69€
Kryeministri u zotua për mbështetje të vazhdueshme të projekteve që përfshijnë të dy komunat, duke vënë në pah rëndësinë e bashkëpunimit mes qeverisë dhe nivelit lokal.
Vizita e Kurtit përkoi edhe me ditëlindjen e kryetarit të Mitrovicës së Jugut, Erden Atiq. Në këtë rast, Kryeministri e uroi atë për jetë të gjatë, shëndet dhe punë me integritet në shërbim të qytetarëve.
