Kuvendi i Kosovës ka miratuar sot përbërjen e re të Qeverisë, duke i dhënë Albin Kurtit mandatin e dytë si Kryeministër i vendit. Ky vendim erdhi pas seancës së jashtëzakonshme të Kuvendit, ku formimi i institucioneve të reja ishte në rend të ditës.
Nga 70 deputetë të pranishëm, Qeveria ‘Kurti 4’ u votua me shumicë dërrmuese, duke marrë 62 vota pro, 8 kundër dhe asnjë abstenim. Pas votimit, anëtarët e kabinetit qeveritar dhanë betimin përpara deputetëve.
Seanca për formimin e Qeverisë u mbajt menjëherë pas konstituimit të Kuvendit dhe mandatimit të z. Kurti për të propozuar ekzekutivin e ri.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Kabineti i propozuar nga Kryeministri Kurti përfshin këto emra dhe poste:
- Zëvendëskryeministër i parë dhe Ministër i Punëve të Jashtme dhe Diasporës: Glauk Konjufca
- Zëvendëskryeministre e dytë dhe ministre e Drejtësisë: Donika Gërvalla
- Zëvendëskryeministër i tretë për Çështje të Pakicave dhe Bashkëpunim: Fikrim Damka
- Ministër i Financave: Hekuran Murati
- Ministër për Punë, Familje dhe Vlerat e Luftës Çlirimtare: Andin Hoti
- Ministër i Mbrojtjes: Ejup Maqedonci
- Ministër i Punëve të Brendshme: Xhelal Sveçla
- Ministër i Digjitalizimit dhe Administratës Publike: Lulzim Jagxhiu
- Ministër i Shëndetësisë: Arben Vitia
- Ministër i Arsimit dhe Shkencës: Hajrulla Çeku
- Ministër i Kulturës dhe Turizmit: Saranda Bogujevci
- Ministër i Administrimit të Pushtetit Lokal: Elbert Krasniqi
- Ministër i Sportit dhe Rinisë: Blerim Gashani
- Ministre e Mjedisit dhe Planifikimit Hapësinor: Fitore Pacolli
- Ministër i Bujqësisë, Pylltarisë dhe Zhvillimit Rural: Armend Muja
- Ministër i Infrastrukturës dhe Transportit: Dimal Basha
- Ministre e Industrisë, Ndërmarrësisë, Tregtisë dhe Inovacionit: Mimoza Kusari
- Ministre e Ekonomisë: Artane Rizvanolli
- Ministër për Komunitete dhe Kthim: Nenad Rashiq
- Ministër për Zhvillim Rajonal: Rasim Demiri
Votimi i Qeverisë u shoqërua me tensione politike. Partia Demokratike e Kosovës (PDK) dhe Aleanca për Ardhmërinë e Kosovës (AAK) njoftuan mungesën e tyre në seancë, ndërsa edhe Lidhja Demokratike e Kosovës (LDK) nuk mori pjesë. Lista Serbe, megjithëse e pranishme, votoi kundër formimit të Qeverisë.
Me këtë votim, Albin Kurti konfirmohet si udhëheqës i ekzekutivit për një mandat të ri, duke i dhënë fund një periudhe të gjatë zhvillimesh politike dhe procedurave për konstituimin e institucioneve të reja të vendit.
