Pas një sezoni zhgënjyes, ku dështimi për t’u kualifikuar në Champions League ka lënë gjurmë, Juventus po përgatitet për një revolucion të vërtetë gjatë merkatos së verës. Drejtuesit bardhezi kanë vendosur të ndërmarrin hapa të mëdhenj për të rikthyer skuadrën në rrugën e fitoreve dhe dominimit.
Sipas raportimeve të fundit nga ‘Tuttosport’, klubi torinez synon të finalizojë katër blerje të reja dhe dy shitje strategjike, me synimin për të gjeneruar rreth 80 milionë euro. Kjo shumë do të shërbejë si shtyllë financiare për projektin e ri ambicioz.
Në mbrojtje, Juventus po zhvillon bisedime me Sassuolo-n për rikthimin e Tarik Muahremovic, një lojtar ku klubi zotëron gjysmën e kartonit. Ky kthim pritet të shtojë siguri dhe cilësi në repartin defensiv.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Përforcimi i mesfushës shihet si prioritet, me dy blerje me parametër zero që po konsiderohen seriozisht. Emra si Leon Goretzka (Bayern Munich) dhe Franck Kessie (Al Ahli) janë në radar, duke sjellë eksperiencë dhe një nivel më të lartë loje.
Në sulm, Juventus ka shprehur interes të fortë për Randal Kolo Muani, duke zhvilluar bisedime konkrete me Paris Saint-Germain. Një lëvizje e tillë do të ishte një goditje e madhe për të forcuar linjën ofensive.
Krahas blerjeve, klubi bardhezi po përgatitet edhe për të liruar dy lojtarë. Andrea Cambiaso është një nga emrat që mund të largohet, ndërsa pritet që njëri nga Gleison Bremer ose Khepren Thuram të jetë gjithashtu në listën e shitjeve.
Me këto lëvizje, Juventus shpreson të ringrihet në elitën e futbollit evropian, duke ndërtuar një skuadër konkurruese dhe tërheqëse për tifozët. Merkatoja e verës pritet të jetë vendimtare për të ardhmen e klubit, me çdo hap që do të ndiqet me vëmendje nga të gjithë.
