Pas zyrtarizimit të largimit të dy mbrojtësve kyç, Interi përballet me një sfidë të fortë në merkato për të siguruar përforcime cilësore në qendër të mbrojtjes për sezonin e ri. Me humbjen e Francesco Acerbi dhe Stefan de Vrij, klubi zikaltër po kërkon me urgjencë opsione për të forcuar repartin defensiv.
Objektivi numër një raportohet të jetë anglezi Trevor Chalobah, i cili sipas burimeve të afërta, ka shprehur dëshirën për një aventurë në Serie A. Sidoqoftë, blerja e tij nuk do të jetë e lehtë, pasi Chelsea kërkon rreth 40 milionë euro, një shifër që paraqet një pengesë për financat e Interit.
Në rast dështimi të negociatave me Chelsean, Interi ka vënë në shënjestër edhe lojtarë të tjerë. Një alternativë erheqëse është kolumbiani Jhon Lucumi, aktualisht pjesë e Bolonjës. Me një klauzolë lirimi prej 28 milionë eurosh, e cila skadon më 15 korrik, ai mund të jetë një zgjedhje më e përballueshme.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Një tjetër emër në listën e drejtuesve zikaltër është Oumar Solet. Mbrojtësi francez i Udineses ofrohet për rreth 25 milionë euro, duke e bërë atë një opsion më realist nga pikëpamja ekonomike.
Trajneri Cristian Chivu, megjithëse ka shprehur preferencën për Chalobah, po monitoron me vëmendje të gjitha mundësitë. Me një merkato të nxehtë dhe konkurrencë të lartë, Interi duhet të veprojë shpejt dhe strategjikisht për të siguruar mbrojtësin e duhur, i cili do të ndikojë drejtpërdrejt në ambiciet e klubit për sezonin e ardhshëm.
