Reality show ‘Ferma VIP’ ka hyrë në muajin e tretë të transmetimit, duke sjellë emocione të forta, debate dhe kthesa të papritura. Pas një jave plot dinamika dhe sfidash, mbrëmja e djeshme solli një tjetër eliminim nga formati më i ndjekur i momentit.
Konkurrenti Henri ishte ai që nuk arriti të merrte mbështetjen e mjaftueshme nga publiku përmes votimit. Pas një përballjeje të fortë televizive me Blerinën, votat e shumicës rezultuan në lamtumirën e Henrit nga gara për çmimin e madh.
Edhe pse me ndjenjën e keqardhjes për ndërprerjen e rrugëtimit të tij në fermë, Henri ka dalë me një energji pozitive. Gjatë bisedës në studion live me moderatoren dhe opinionistët, ai e përshkroi eksperiencën në ‘Ferma VIP’ si një ndër më të bukurat dhe më të veçantat e jetës së tij, duke theksuar se kjo aventurë do të mbetet gjatë në kujtesën e tij.
