Muaji shtator pritet të shënojë një pikë kthese historike për proceset gjyqësore të zhvilluara pranë Dhomave të Specializuara në Hagë. Më 16 shtator 2026, do të shpallet aktgjykimi përfundimtar për ish-udhëheqësit e Ushtrisë Çlirimtare të Kosovës (UÇK), Hashim Thaçi, Kadri Veseli, Rexhep Selimi dhe Jakup Krasniqi.
Ky zhvillim i madh pritet të ndiqet nga afër nga ‘Prishtina Post’, e cila do të angazhojë një ekip të dedikuar për të ofruar raportim të drejtpërdrejtë dhe gjithëpërfshirës. Lexuesit tanë do të kenë mundësinë të informohen në kohë reale për të gjitha zhvillimet, reagimet dhe analizat më të fundit, duke filluar nga momentet para shpalljes së aktgjykimit, gjatë procesit dhe pas tij.
Përmes një ‘live feed’-i të vazhdueshëm, do të sjellim informacione nga Haga dhe Kosova, duke përfshirë komentet e institucioneve, përfaqësuesve politikë, avokatëve të mbrojtjes, si dhe çdo zhvillim tjetër që lidhet drejtpërdrejt me këtë proces të rëndësishëm gjyqësor.
