Ministri i jashtëm serb Marko Gjuriq ka thënë se pjesëmarrja e delegacionit serb në seancën e Asamblesë së Përgjithshme të Kombeve të Bashkuara (OKB) “forcon pozitën e Serbisë në skenën globale”, ka kumtuar kjo ministri e tij.
Ai para gazetarëve në Nju Jork ka thënë se “në fillim është bërë një hap përpara në raport me qëndrimin e përgjithshëm të Serbisë, që i referohet edhe mbrojtjes së interesave tona kombëtare kur është fjala për Kosovën”.
Ai po ashtu ka thënë se presidenti i serb, Aleksandar Vuçiq, ka planifikuar të takohet me më shumë se 40 liderë botërorë dhe se do të bisedojë me ministra të jashtëm të shumtë nga e gjithë bota.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Në këtë seancë të Asamblesë së Përgjithshme të OKB-së, Serbia shkroi një pjesë në dukje të vogël, por domethënëse të historisë së saj diplomatike përmes vendosjes së marrëdhënieve diplomatike me disa vende me të cilat nuk kemi pasur asnjë komunikim dhe ndërveprim. Fjala është për sa i përket popullsisë dhe territorit, për shtete më të vogla, por që kanë anëtarësim në OKB dhe UNESCO dhe në organizata të tjera ndërkombëtare, ku çdo votë është e rëndësishme për ne, sepse në ato organizata mbrojmë manastiret tona në Kosovë dhe integritetin dhe sovranitetin tonë territorial, por jo vetëm kaq”.
