Ministrja e Punëve të Jashtme dhe Diasporës, Donika Gërvalla, gjatë qëndrimit në New York, ka takuar homologen e saj të Malawit, Nancy Tembo.
Përmes një njoftimi për media, bëhet e ditur se gjatë takimit kanë diskutuar për zgjerimin e marrëdhënieve dypalëshe dhe përkukushtimin për bashkëpunim në fusha me interes të përbashkët.
”Në takimin e mbajtur në margjinat e Asamblesë së Përgjithshme të OKB-së në Nju Jork, Zëvendëskryeministrja dhe Ministrja e Punëve të Jashtme dhe Diasporës, Donika Gërvalla, dhe homologja e saj nga Malawi, Nancy Tembo, diskutuan për zgjerimin e marrëdhënieve dypalëshe dhe përkushtimin për bashkëpunim në fusha me interes të përbashkët”, thuhet në komunikatë.
Tutje, thuhet se ministret biseduan gjithashtu për të drejtat e njeriut, barazinë gjinore dhe iniciativat globale dhe rajonale për tejkalimin e sfidave të përbashkëta
