Kënga më e re e reperit Gjesti në bashkëpunim me këngëtaren Dhurata Dora, titulluar “Gasolina”, ka shënuar një sukses të menjëhershëm që nga momenti i publikimit.
Projekti muzikor i pritshëm ka arritur të zërë vendin e parë në listat “Trending” të platformës YouTube në disa vende evropiane, duke konfirmuar kërkesën e lartë të publikut për këtë bashkëpunim.
Sipas informacioneve të shpërndara nga Gjesti përmes rrjetit social Instagram, “Gasolina” kryeson listat në Zvicër, Gjermani, Itali dhe Maqedoni të Veriut. Për më tepër, kënga ka arritur vendin e katërt në Austri, duke treguar kështu një prani të fortë në tregjet ndërkombëtare.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Gjesti ka reaguar me humor dhe entuziazëm ndaj këtij suksesi të shpejtë. Ai ka ndarë një fotografi me Dhurata Dorën dhe ka komentuar: “1-sh n’shkollë. 1-sh n’muzikë. Kurrë s’mu nda 1-shi”, duke shprehur kënaqësinë e tij për arritjet.
Në një postim të dytë, reperi ka falënderuar publikun për mbështetjen masive që nga fillimi: “Ju duaaaa”.
“Gasolina” ishte paralajmëruar që nga viti i kaluar, por lansimi i saj u shty për shkak të disa zhvillimeve personale në jetën e Gjestit. Së fundmi, fragmente nga kënga kishin marrë famë në platformën TikTok, duke shtuar më tej pritjet për versionin zyrtar.
Tani, me publikimin e plotë, dueti Gjesti-Dhurata Dora po vazhdon të ngjitet me shpejtësi në renditjet globale të YouTube, duke marrë komente dhe reagime pozitive nga dëgjues të shumtë në mbarë botën.
