Seriali i shumëpritur ‘Esref & Ruya’, me protagonistë të njohur si Çağatay Ulusoy dhe Demet Özdemir, do të marrë fund përfundimisht në episodin e 47-të, duke lënë pa një sezon të ri fansat e tij.
Konfirmimi vjen nga gazetarja e njohur turke, Birsen Altuntaş, e cila ka zbuluar detaje rreth arsyeve që çuan në mbylljen e këtij projekti të suksesshëm. Sipas një emisioni turk, tensionet në prapaskenë kanë nisur prej kohësh. Dyshohet se xhelozia e Aslıhan Malbora, partneres së Çağatay Ulusoy në jetën reale, ka luajtur një rol kyç. Raportohet se prania e saj e shpeshtë në sheshxhirim dhe pakënaqësia e saj ndaj skenave romantike mes protagonistëve, kanë bërë që aktori të kërkojë ndryshime në skenar, duke përfshirë heqjen e skenave të puthjeve.
E pyetur nga mediat, Aslıhan Malbora ka reaguar duke i quajtur thashethemet dashakeqe, duke theksuar se një projekt kaq i madh nuk mund të varet nga një person i vetëm.
Përtej dramave personale, seriali është përballur edhe me sfida financiare. Kostot e larta, që arrijnë rreth 30 milionë lira turke për episod, dhe luhatjet e shikueshmërisë, e kanë bërë të pamundur mbijetesën e tij në treg.
Ndërkohë, vëmendja tani është te finalja e madhe. Pas vdekjes së Myslym-it, Eşref ka nisur një luftë të hapur nga burgu. Aludohen dy skenarë të mundshëm për fundin: një tragjik, ku Eşref sakrifikohet për Nisanin, ose një arratisje e rrezikshme drejt një jete të re.
