Dinamika familjare mes Olës, partnerit të saj Adionit, dhe vëllait të saj, Fabjanit, ka marrë një kthesë mjaft komike dhe befasuese jashtë ambienteve të “Ferma VIP”. Fabjani, i cili fillimisht ishte shprehur kategorikisht kundër lidhjes së motrës së tij me Adionin, tashmë duket se ka ndryshuar plotësisht qëndrim.
Kujtojmë se gjatë kohës që ishte pjesë e formatit, Fabjani u shfaq si një kundërshtar i fortë i romancës së Olës, duke i kërkuar llogari asaj dhe duke theksuar se po humbiste dinjitetin, pasi sipas tij, Adioni nuk po sillej siç duhej. Gjatë një takimi të tensionuar, Fabjani lëshoi edhe një pyetje që u kthye në një batutë virale në rrjet: “Nëse një zog bie në dashuri me një peshk, cila është zgjidhja?”
Megjithatë, duket se koha ka shëruar çdo gjë dhe raportet kanë ndryshuar 180 gradë, sidomos tani që marrëdhënia mes Olës dhe Adionit është zyrtarizuar. Fabjola, ish-fermerja, ka ndarë së fundmi me ndjekësit e saj një moment mjaft argëtues që dëshmon se dy meshkujt kanë gjetur tashmë gjuhën e përbashkët.
Në videon e publikuar, Adioni dhe kunati i tij, Fabjani, shihen të ulur pranë njëri-tjetrit duke shijuar një lojë me video-lojëra. Për ta bërë momentin edhe më epik, Ola ka zgjedhur si sfond tingullor pikërisht zërin e të vëllait me pyetjen e famshme për zogun dhe peshkun, ndërsa vetë shfaqet në ekran duke qeshur me situatën. Ky veprim tregon se kapërcimi i mosmarrëveshjeve të mëparshme po bëhet me shumë sportivitet dhe humor brenda rrethit të tyre familjar.
