Pjesë të mëdha të Evropës po përgatiten për temperatura shumë të larta këtë fundjavë, ndërsa ekspertët paralajmërojnë se nxehtësia ekstreme në pranverë po bëhet “normalja e re”.
Në Spanjë, shërbimi meteorologjik AMET paralajmëron se gadishulli Iberik do të përjetojë temperatura të pazakonta për këtë periudhë të vitit, me deri në 38°C në disa lugina si Guadiana dhe Guadalquivir.
Edhe gjatë natës priten temperatura të larta që nuk zbresin nën 20°C, të cilat quhen “net tropikale”.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Në Mbretërinë e Bashkuar, temperaturat mund të arrijnë deri në 33°C, duke thyer rekorde për muajin maj, sidomos në jug të Anglisë dhe Midlands. Parashikohet mot i thatë dhe me diell.
Në Gjermani, temperaturat pritet të lëvizin rreth 30°C, ndërsa në disa rajone mund të shkojnë deri në 31°C. Në Francë (Paris), pritet deri në 33°C gjatë fundjavës dhe fillimit të javës së ardhshme.
Në Itali (Romë), temperaturat do të jenë rreth 31°C, ndërsa në Portugali (Lisbonë) priten rënie graduale nga 31°C në 27°C gjatë ditëve të fundjavës./Euronews
