Pjesë të mëdha të kontinentit evropian po përgatiten për valë të nxehti që pritet të godasin fundjavën e ardhshme, ndërsa shkencëtarët paralajmërojnë se këto kushte ekstreme në pranverë po bëhen një realitet i ri.
Spanja do të jetë ndër vendet më të prekura, ku shërbimi meteorologjik AMET ka lëshuar alarmin për temperatura deri në 38°C në luginat e Guadiana dhe Guadalquivir. Edhe gjatë natës, temperaturat nuk pritet të zbresin nën 20°C, duke krijuar kushtet për ‘net tropikale’.
Mbretëria e Bashkuar gjithashtu do të përjetojë nxehtësi të pazakontë për muajin maj, me parashikime për temperatura deri në 33°C, veçanërisht në jug të Anglisë dhe Midlands. Pritet mot i thatë dhe me diell.
Në Gjermani, termometri pritet të tregojë rreth 30°C, me mundësi për të arritur deri në 31°C në disa rajone. Ndërkohë, Parisi në Francë pritet të regjistrojë temperatura deri në 33°C gjatë fundjavës dhe në fillim të javës së ardhshme.
Edhe Italia nuk do të mbetet e prekur, ku Roma do të përjetojë rreth 31°C. Në Lisbonë, Portugali, temperaturat pritet të bien gradualisht nga 31°C në 27°C gjatë fundjavës.
